Azərbaycan Dövlət Dəniz Akademiyası (ADDA) 2000-ci ildə Beynəlxalq Dəniz Təşkilatının (BDT) dəniz təhsili məktəbləri kataloquna 012 sayla daxil edilmişdir.

Azərbaycanda dənizçilik təhsili 1881-ci ilin noyabrından başlamışdır.
Azərbaycan Respublikası Mərkəzi dövlət tarix arxivində Bakı şəhər başçısının Qafqaz baş idarəsi rəisinə Bakıda 21 (8) noyabr 1881-ci ildə Dənizçilik siniflərinin açılması barədə məlumat vardır.
Həmin illər Bakı dənizçilik siniflərində oxuyanların əksəriyyəti dənizdə işləyənlər idi. Tədris ili 1 noyabrdan 1 aprelə kimi müddətdə (qış mövsümü ilə əlaqədar olaraq Həştərxana dəniz yolunun bağlı olması, buxarla işləyən və yelkənli donanmanın Bakı portunda qışlaması dövrü) təşkil edilirdi.